History of Kokborok Language Part 1 : From 1841 to 1903

History of Kokborok Language Part 1: Kokborok Kok wngkha Tripurasarokni mani kok (Mother tongue). Ih kok Tripurasarok bai khuk bai khugo sirisitini simi sajagwi phaiyo. Kokborok kokni hamkraini bagwi Kokborok kok mani kokya Engrej saheb rokbo samung tanglangjakha. Borogni bisingo tongo – Sir A. Phayre, Captain T. H. Lewin, Sir George Campbell, W. W. Hunter, Rev. Sydney Endle, J. D Andeson, Sir George Abraham Grierson akosong. Tolao borokni samung bwtangrokno swijakha poriui mai mano.

History of kokborok Language part 1: Sir A. Phayre

Kokborok kok tei Kokrwbai ni bagwi elemgwnang Engrej borokrog samung khulai langma rogno sana thangkhai puilano khursathai kwlaio Sir A. Phayre ni kok. Bo ‘An Account of Arakan’ (Journal of the Asiatic Society of Bengal. vol.x,pt.ii, 1841) pp.712 oh Kokborokni kokthairokno twiwi koklam khwlailangkha. Arakan tei Hill District ni rukungo tongnai juda juda lukurokni kokno sursawi phunukna thangthani Kokborok kokthai thai Thamchi sini (37) no thumui khursalangkha. Kokborokno bo Mrung hinwi salangkha, hinwi kok naicher kwrwngrog sakha.

History of kokborok Language part 1: T. H Lewin

A. Phayre-ni Yagulo kok elemkrwng Captain T. H Lewin bo Kokborok kok hamkraini bagwi wansugwi Kokborok kokthairok thumui tisai kwlangjakha. ‘The Hill Tracts of Chitagong and the Dweller Therein: with comparative Vocabularies of Hill Districts.’ mungui 1869 bisio kokbwkhal kaisa swilangkha. Bini O kokbwkhalo Hill Arraccanese, Kumi (Kuki) tei Tipperah kokni kokthaino thumui sursai phunuklangkha. Bini aro thai sara sinichiba (175) kokthaino sursama nukjakkha.

History of kokborok Language part 1: Sir George Campbell

Sir George Campbell ‘Speciments if the Language of India, Including those of the Aborginal Tribes of Bengal, Central Province, and the Eastern Frontier Contain a list of word and Phrases showing Dialects of the Tippera, Chitagong and Cachar Frontier.’ Mungwi 1874 engreji bisio kokbwkhal kaisa swilangkha. Bini o kok bwkhalo Cachari, Garo tei Hill Tipperah (Kokborok) kokno sursawi phunukkha. Aro o thai dogchisini(67) Tipperah (kokborok)  kokthai tisai kwlangkha.

History of kokborok Language part 1: W.W. Hunter

W. W. Hunter “Statistical Account of Bengal” (vol.vi, 1876) mungwi bijab kangsa swikha. Bini o bijabo T. H. Lewin bai thumjak kokborok kokthairogno khurchalangkha. Pp-489-490. Kokborok kokno Tipperah hinwino mung rilangkha.

History of kokborok Language part 1: Rev. S. Endle

Kokborok kok naiphilnai (Researcher) engrej borokrogni bisingo Rev. S. Endle-ni naiphilmung belaino judakuk. Bini “Outline Grammar of Kachari (Bara) Language” mungwi 1884 engreji bisio bijab kangsa swikha. Bini o bijabo Kachari (Bara), Garo tei Hill Tippera kokno sursawi phunukkha. Tei kai sinichi (70) kokborok kokthai, tang sini (7) kokbwtang phunukjakha. Abono karwibo kokma (grammar)-ni juda juda bwkhakno (kokbwtang bokcho, sinimari, jora, mungswlai, wasa, wakhwlai akorog) cherwi phunuklangkha. Kokborok kokno Tippera hinwi swilangkha.

History of kokborok Language part 1: J. D. Anderson

J. D. Anderson 1885 engreji bisio “A short list of words of the hill tipper language, with their English equivalents. Also of words of the language spoken by lushai of the sylhet froitier.” mungwi kaisa mungrem swnamlangkha. Aro bo Hill Tippera, Lushai tei Bodo kokthairogno sursai phunuklangkha. Oro o thai thamra dogchisini (367) kokborok kokthai thumui tisai kwlangkha.

History of kokborok Language part 1: Sir G. A. Grierson

Sir George Abraham Grierson “Linguistic Survey of India”, vol.iii, pt.-ii, 1903. Bijabo kai charchiba (85) kokthai thumui Bodo kok bai Tipura kokno sursawi phunukkha. Tei swkango thumlangnai J. D. Anderson akosongni thumjak kokthairognobo khursawi phunukkha. Sir G. A. Grierson kokborok kokthai thumano karwibo luku hamjakjak kokborok kothoma thaisa tei rwchapmung tangsa thumui bini bijab Linguistic Survey of India o tisai kwlangkha.

Swkango khursajak engrej borokrogno karwibo H. C. Sutherland, Robert Shafer akosongbo kokborok kokno twiwi bongni swimungrogo kolam khwlai langkha. T. E. Cochid bo sak baithang kokborok kokni hamkwrai khwlaijayaphano bobai kok yapharjagwi  sikla Bugra Radhakishore Manikya  koborok kokrwbam swinani samung chengjakha hinwi Political Agent, Hill Tiperah o okthum kaisa sajakma tongo. Phiyaba bini oh kokrwbam bijab naitugwi manlia.

Kokborok hamkwraini bagwi samung tangjanai engrej borokrogni bisingo C. W. Bolton-ni samungbo khursajaknai kaisa. Bo hachuk Twipurani bisingo mani kok kokborok bai phwrwngmung samung songsana bagwi chaitoklangjakha. Phatar ha engrejrogni bisingo bono puila mani kok kokborok pora –lekha phwrwngnani kokno wansukjakha. Phiyaba bini ah wansukmung samungo phwnangwi manjalia hinwi Political Agent, Hill Tipura o kokthum kaisa tongo.

History of kokborok Language from 1841 – 1905: Bathongsa naiphimung

History Of Kokborok Language : From 1841 to 1905
Writer Name	Book/Article Name	Kokborokni mung
Sir A. Phayre	‘An Account of Arakan’	Mrung
Captain T. H Lewin	‘The Hill Tracts of Chitagong and the Dweller Therein: with comparative Vocabularies of Hill Districts.	Tipperah
Sir George Campbell	‘Speciments if the Language of India, Including those of the Aborginal Tribes of Bengal, Central Province, and the Eastern Frontier Contain a list of word and Phrases showing Dialects of the Tippera, Chitagong and Cachar Frontier.’	Tippera
W. W. Hunter	“Statistical Account of Bengal”	Tipperah
Rev. S. Endle	“Outline Grammar of Kachari (Bara) Language”	Tippera
J. D. Anderson	“A short list of words of the hill tipper language, with their English equivalents. Also of words of the language spoken by lushai of the sylhet froitier.”	Tippera
Sir George Abraham Grierson	Linguistic Survey of India	Tipura

FAQs: