PM Surya Ghar Yojana 2024: Central Govt. Haktorni 1 crore nukhungno Chwngpherang rina bagwi PM Surya Ghar Muft Bijli Yoyana chengsawi rikha. Oh Yojanani bwkhaktwi 1 crore joto nogo 300 units Muft Chwngpherang rijaknai. Oh Yojanano manna muchungkhai eba nanani muchungwi tongkhai nwng apply khwlaiwi mano. Apply khwlaina bagwi nwng bini official website pmsuryaghar.gov.in oh habwi online-ni bisingtwi Apply khwlaiwi mano.
Central Govt. bai naikoljak o hamkrairwk yojanani bechebo 75,000/- crore-ni swlaibo kwbang rang samungo thepajaganw, jetwikhai abibai joto 1 crore lukuno Prime Minister Muft Bijli Yojana no jaikhe manwi mannatwi. Yojanano twi apply khwlainani kwlaisase. Nwng nini nogo tongtwtwino oh hamkrairwk yojanani bagwi apply khwlaiwi mano.
Tinini oh kokbwkhalo chwng norogno PM Surya Ghar Muft Bijli Yojana online apply 2024 no twiwi joto kokthum swbai sukrup sauanw. Tumung nwng Surya Ghar Muft Bijli Yojana no online apply khwlaina hinkhai eba khwlaina hinwi chongwi tongkhai o swimungno paithak jora kahamkhai pori naidi-
PM Surya Ghar Yojana 2024 tamo? || PM Surya Ghar Yojana in Kokborok
Prime Minister Narendra Modi tamo sakha swkang pori naigradi-
PM Surya Ghar Muft Bijli Yojana wngkha Bharat haphang bai chongwi najak kaisa nangkukma tangbwtang eba scheme. Bono Prime minister Surya Ghar Muft Bijli Yojana bo hinwi sinijago. ebakhe Surya Ghar Yojana hinwibo sajago. 13 February, 2024 salmario Bharat haktorni Prime Mnister Narendra Modi O Scheme no chengwi rio.
O Scheme-ni bwkhaktwi Haphang nokni nukhungo Solar panel thepawi rio. Aboni bisingtwi Chwngpherang-ni Bill banchina eba rinani yokna. O Surya Ghar Muft Bijli Yojana-ni bechebo 1 crore nukhungno 300 unit khai chwngpherang (electricity) manthokrijaknai. Aboni bai 1 crore nukhungni nobrumo solar system thepai rijaknai.
PM Surya Ghar Yojana 2024 : Bathongsa kokthum
PM Surya Ghar Yojana belaino nangkukma kaisa hamkrairwk Scheme. Omono twiwi tolao kisisa nangmani kokthumrogno phunukjakkha-
| Department-ni mung | Ministry of New and Renewable Energy |
| Scheme-ni mung | PM Surya Ghar Muft Bijli Yojana |
| Scheme Category | Govt. Scheme |
| Bwswk units? | 300 units |
| Bwswk nukhungno rijaknai? | 1 crore nukhung |
| Apply Date | Chengjakkha |
| Apply mode | Online |
| Official website | pmsuryaghar.gov.in |
PM Surya Ghar Muft Bijli Yojana 2024
Tini ni o Article o chwng harat Haktor-ni joto lukurogno belai belai khkabai khukbai lamsogo. Tini chwng o swimungni bisingtwi PM Surya Ghar Muft Bijli Yojana 2024 no yapharna thangwi tongo, O Scheme Bharat Govt. bai 2024 oh chengsawi rijakkha. Omni naharmung wngkha Haktorno 1 crore nukhungo Muft Chwngpherang eba Electricity yapharnani. O Yojanani bisingtwi Haphang nogo Solar channel thepana bagwi subsidy rinai. O Surya Ghar Muft Bijli Yojanan-ni bisingtwi nono nini nogo PM Surya Ghar Muft Bijli Yojana Soalar System thepai rijaknai eba thepaui nai mannai. Abobai nwng nini chwngpherang eba electricity-ni bill baimano banchiri mano.
Teibo poridi:
PM Surya Ghar Yojana 2024 Subsidy || PM Surya Ghar Scheme-ni rang bwswk?
PM Surya Ghar Yojana 2024 bisio naharna bagwi bwswk units tei bwswk kw (kilowatt) ni bagwi bwswk rang nangnai, abono tolao rijakkha-
| Average Monthly Electricity Consumption (units) | Suitable Rooftop Solar Plant Capacity | Subsidy Support |
| 0-150 units | 1-2 kW | Rs 30,000/- to Rs 60,000/- |
| 150-300 units | 2-3 kW | Rs 60,000/- to Rs 78,000/- |
| 300 units above (kwbang) | 3 kW above (kwbang) | Rs 78,000/- |
PM Surya Ghar Yojana Benefits || PM Surya Ghar Scheme ni kaham
- O Yojana-ni bwkhaktwi nok thigwi 300 units ni chwngpherang manwi mannai.
- Tumung nwng 300 units-ni swlai kwbang chwngpherang eba bijli nana hinkhai kwbang units ni bagwi ma swbainai.
- Solar wngkha kaisa Habarrwk kaham. abobai habarni kaham wngthani chubachunai.
- oh yojana lukuni kahamni bagwi Entrepreneur swnamwi tisathani chubachunai.
- yojanani bechebo 1 crore nukhungno 300 units swk chwngpherang manthokrijaknai.
- Hapang Solar Panel achukrina bagwi 40% subsidy rinai.
PM Surya Ghar Muft Bijli Yojana Eligibility || PM Surya Ghar Yojana sabo manwi man
PM Surya Ghar Yojana no mannani bagwi kisaswk raidarog bojak tongo. Abono tolao swraisakhesajakkha.
- PM Surya Ghar Yojana no naharnani hinkhai Applicant (naharnai) India-ni borok wngna nangnai.
- Applicant eba je naharnai (apply khainai)-ni nukhungni ajimung 1.5 lakh ni tolao wngna nangnai.
- Applicant-ni nukhungo khoroksaphano Govt. Employee krwi wngna nangnai.
- Applicant-ni soi soi nok wngna/tongna nangnai.
- Nini nogo Solar Panel achukrina bagwi nangmaswk thai (jaga) tongna nangnai.
- Applicant-ni Aadhaar Bank bai link wngjak wngna nangnai.
PM Surya Ghar Yojana-ni bagwi nangmani Document rog || Required Document for PM Surya Ghar Yojana
Tumung nwng PM Surya Ghar Yojana no online apply khwlaina hinkhai nangmani kisaswk document rogno tiyar ma khwlainai, jerog tolao khursajak tongma. Naidi tolao tamo document nang-
- Aadhaar Card
- Address proof document (i.e PRC, PAN Card, Driving Licences akorog)
- Income Certificate
- Electricity Bill
- Ration Card
- Mobile Number
- Passport size photo
- Bank account passbook
How to apply online PM Surya Ghar Yojana || PM Surya Ghar Yojana bahaikhai online apply khwlai
Step-1: Official website o hapdi – pmsuryaghar.gov.in
Step-2: Registration ni bagwi rijak details no naidi
- State select khaidi
- Nini Electricity Distribution company no select khaidi
- Nini Electricity Consumer number no enter khaidi
- Mobile number ridi
- Email ridi
- aboni yagulo je sanmani ridi
Step-3: Consumer number bai Mobile number rioi login khaidi
Step-4: Rooftop Solar form rwgwi Apply khaidi
Step-5: Yagulo Online Application form fill up khaidi
Step-6: Aboni yagulo DISCOM ni feasibility approval kisa nasingdi. manma yagulo feasibility approval install khaidi
Step-7: Installation paikhe plant details submit tei apply khwlaidi net meter ni bagwi
Step-8: Net meter Installation khaima yagulo generate commissioning certificate nongkhornai portal o
Step-9: Commissioning report manma yagulo Bank Account details submit khwlaidi. 30 day ni bisingono nwng nini subsidy receive manwi mannai nini bank account o.
Paithak
PM Surya Ghar Muft Bijli Yojana belaino kahamkuk Scheme. O Scheme o magwna 300 units chwngpherang rijagwi tongo. Abono karwibo oh Yojanano naharna bagwi State Govt. tei Central Govt. Subsidy sep riwi tongo. Omo Haparni bagwibo belaino kaham. abobai nwng nini tabrum Electricity rina nangmani banchiwi mano.
Bayasong norog chini oh kokkhalno/swimungno poriwi bahai wngjakha. Tumung chajakkha hinkhai comment tei share khwlaidi. Nini kaisa share bai chini lenmani poganw.
FAQs: PM Surya Ghar Muft Bijli Yojana
PM Surya Ghar Yojana sabo apply khwlai man?
India-ni borok rog apply khwlaiwi mano. Phatar hani borokrogno rijakya.
PM Surya Ghar Monthly bwswk unit electricity man?
300 units. kwbang units thepana hinkhai nwng kwbang rang ma swbainai.
Bwswk nukhungno PM Surya Ghar Yojana rijaknai?
1 crore nukhungno PM Surya Ghar Yojana rijaknai hinwi tabuksak jora saklaijak tongo.
PM Surya Ghar Yojanani bagwi Bank o loan made man?
E, mano.
PM Surya Ghar Muft Bijli Yojana nanani bagwi tamo tamo document nang?
Aadhaar card, Address proof document, bank account, electricity bill akorog.